Дубайдаги Tiger Tower биноси ёниб кетди
3800 дан ортиқ одам эвакуация қилинган.
13 июнь куни кечқурун Дубайдаги машҳур биноларидан бири - Tiger Tower осмонўпар биносида йирик ёнғин содир бўлди. 3800 дан ортиқ одам эвакуация қилинган. Жабрланганлар йўқлиги айтилмоқда.
Ёнғин маҳаллий вақт билан соат 21:30 атрофида 67 қаватли бинонинг юқори қаватларида бошланган. Ёнғин тезда қурилма бўйлаб тарқалиб, турар-жой мажмуасининг бошқа қисмларини ҳам қамраб олган.
Бинодан 764 та хонадонда яшовчи 3820 киши эвакуация қилинган. Расмийларнинг таъкидлашича, эвакуация муваффақиятли ўтган, жабрланганлар ҳақида маълумот берилмаган.
Ёнғин сабаби ҳозирча номаълумлигича қолмоқда. Фавқулодда вазиятлар вакиллари ҳодиса тафсилотларини ўрганмоқда.
