Мўғулистонда қизамиқ билан касалланганлар сони ошмоқда
Мамлакатда қизамиқдан бешта ўлим ҳолати қайд этилган.
Мўғулистонда қизамиқ билан оғриганлар сони 4 кун ичида 6836 дан 7717 нафарга етди. Бу ҳақда Юқумли касалликлар миллий маркази хабар берди.
Мактаблар татилга чиқса ҳам, касаллик тарқалиши секинлашгани йўқ. Ҳозирда 63 мингдан ортиқ фуқаро тиббий кузатув остида, улар беморлар билан бевосита алоқада бўлган.
Шунингдек, июнь ойининг ўрталарига келиб, мамлакатда қизамиқдан бешта ўлим ҳолати қайд этилган.
Қизамиқ илк бор 2025 йил февраль охирида Улан-Батордаги халқаро рейслар орқали кириб келган. Сўнгги бор бундай ҳолат 2019 йилда болалар ўртасида қайд этилган. Гарчи Жаҳон соғлиқни сақлаш ташкилоти Мўғулистонни 2016 йилда қизамиқдан холи давлат деб эълон қилган бўлсада, бу ҳолат касаллик яна жонланганини кўрсатмоқда.
