Тел-Авивдаги АҚШ элчихонаси ракета зарбасидан зарар кўрди
Ҳодиса оқибатида ҳеч ким жабрланмаган.
Тел-Авивдаги АҚШ элчихонаси яқинига ракета тушиб, бино мажмуасига зарар етказди. Бу ҳақда Исроилнинг “Ynet” портали хабар берди.
Ҳужум қайси давлат томонидан амалга оширилгани аниқ айтилмаган бўлсада, портлаш Эрон томонидан уюштирилган ҳужумлар билан боғлиқ бўлиши мумкинлиги тахмин қилинмоқда.
АҚШнинг Исроилдаги элчиси Майк Хакаби ракета портлаши элчихонага кичик зарар етказганини тасдиқлади. Бироқ ҳодиса оқибатида ҳеч ким жабрланмаган.
Шунингдек, Дания элчиси ҳам Тел-Авивдаги кўп қаватли бинога ракета тушганини билдирган. Элчи Томас Винклер Фасебоокъда хавфсиз жойда бўлганини ва зарар кўрмаганини ёзган.
