OpenAI АҚШ Мудофаа вазирлиги билан шартнома имзолади
ChatGPT яратувчилари АҚШ мудофаа соҳаси учун AI ишлаб чиқади.
Сунъий интеллект технологияси бўйича етакчи компания ҳисобланган OpenAI АҚШ Мудофаа вазирлиги билан 200 миллион долларлик йирик ҳамкорлик шартномасини имзолади. Бу ҳақда компания расмий блогида эълон қилинди.
Шартнома доирасида OpenAI миллий хавфсизлик соҳасидаги долзарб муаммоларни ҳал этишга йўналтирилган илғор сунъий интеллект тизимининг прототипини ишлаб чиқади. Лойиҳада мудофаа тизимининг ҳарбий ва маъмурий-таҳлилий бўлинмалари эҳтиёжлари инобатга олинади.
Мазкур ишлар 2026 йилнинг июль ойигача якунланиши режалаштирилган. Шартнома АҚШ мудофаа сиёсатида сунъий интеллект технологияларининг стратегик ролини яна бир бор тасдиқлайди.
