Трумп бренди остида олтин рангли смартфон тақдим этилади
Смартфон 499 долларга сотилади.
АҚШ президенти Доналд Трампнинг оила бизнеси — Трумп Организатион, 499 долларлик олтин рангли смартфон ва ойига 47,45 доллар турадиган мобил хизматни тақдим этмоқда. Қурилма ва хизмат Трампнинг 45 ва 47-президентлик рақамлари шарафига чиқарилаётгани айтилган.
Ташкилот Трампнинг фарзандлари бошқарувида бўлиб, бу қарор эҳтимолий манфаатлар тўқнашуви ва коррупция хавотирларига сабаб бўлмоқда. Citizens for Responsibility and Ethics вакили Меган Фолкнер бу орқали Трамп оиласи яна фойда олиш йўлини топганини танқид қилди.
Янгилик Трамп Аппле раҳбари Тим Кукни iPhone’ларни АҚШда ишлаб чиқаришга ундаётган вақтда эълон қилинди. Президент илгари чет элда ишлаб чиқарилган телефонларга 25% лик бож солиғи жорий этишни таклиф қилган эди.
Трумп телефони учун мижозларга хизмат кўрсатиш хизмати йўлга қўйилади ва қурилмага олдиндан буюртма бериш аллақачон бошланган.
