FIFA'нинг Исроил футбол клублари ҳақидаги қарори
FIFA хорижлик футболчиларга Исроил клубларини эркин тарк этишга рухсат берди.
Халқаро футбол федерацияси (FIFA) хорижлик футболчиларга Исроил футбол клублари билан тузилган шартномаларни бир томонлама бекор қилиш ҳуқуқини берди.
Янги қарорга кўра, хорижлик футболчилар молиявий йўқотишларсиз ва жамоа эътирозисиз Исроил клубларини тарк этишлари мумкин. FIFA ушбу чора-тадбирни хавфсизлик билан боғлиқ мураккаб вазият фонида жорий этган.
Маълумот учун, “Makkabi Tel-Aviv” клуби 2024/25 йилги мавсумда Исроил чемпиони бўлган эди.
Эслатиб ўтамиз, 13 июнга ўтар кечаси Исроил “Кўтарилаётган шер” номли ҳарбий операция доирасида Эроннинг ядровий ва ҳарбий объектларига зарбалар берган эди. Жавобан, Эроннинг ИРГС (Ислом инқилоби қўриқчилари корпуси) “Ҳақиқий ваъда – 3” операциясини бошлаганини эълон қилиб, Исроил ҳудудига ракета ҳужумларини уюштирган.
