Исроил қаттиқ цензура жорий қилди
Мухбирларга репортаж олиб бориш тақиқланди.
Исроил полицияси Эрон зарбасидан кейин Хайфа шаҳрида хорижий журналистларга репортаж олиб боришни қатъиян тақиқлади. Бу ҳудудда мамлакатдаги энг йирик нефтни қайта ишлаш заводига зарба берилгани айтилмоқда.
Ҳуқуқни муҳофаза қилувчи органлар горизонт чизиғини суратга олаётган бир нечта мухбирларни ҳибсга олиб, уларнинг техник воситалари ва ускуналарини мусодара қилган. Ушбу чоралар хавфсизлик нуқтайи назаридан зарур, деб изоҳ берилган.
Аввалроқ Исроил Мудофаа армияси фуқароларга зарба берилган жойлар ва у ерда етказилган зарарнинг сурат ҳамда видеоларини эълон қилишни ман этган эди. Бу огоҳлантириш стратегик объектларга оид тасвирлар оммага тарқалганидан сўнг жорий қилинган.
Экспертларга кўра, бу цензура Исроилнинг стратегик иншоотларини оммавий ахборот воситаларида ёритилишидан ҳимоялашга қаратилган бўлиб, хавфсизлик таҳдидлари кучайган шароитда амалга оширилмоқда.
