Хитой ядро қуролларини кўпайтиришда дунёда етакчилик қилмоқда
Хозирда мамлакатда 600 та жангавор каллак мавжуд.
Стокголм тинчлик институтининг (СИПРИ) ҳисоботига кўра, Хитой кетма-кет учинчи йил ядро арсеналини кенгайтиришда дунёда етакчига айланган. 2025 йил бошида мамлакатда 600 та жанговар каллак мавжуд бўлиб, бу уни АҚШ ва Россиядан кейинги учинчи ўринга олиб чиқди.
Сўнгги йилларда Хитой ҳар йили 100 дан ортиқ янги ядро каллак қўшмоқда. Шунингдек, мамлакат шимоли ва шарқидаги чўл ҳудудларида 350 та қитъалараро ракета шахтаси қурилган ёки қурилмоқда.
Бошқа ядровий давлатлардан фарқли ўлароқ, Хитой тинчлик даврида ҳам ракеталарга жанговар каллаклар жойлаштиришни бошлаган. Экспертларнинг фикрича, 2030 йилга келиб Хитой ядро қуроли ташувчилари сони бўйича АҚШ ва Россияга етиб олиши мумкин.
СИПРИ экспертлари ядровий қуролларни камайтириш жараёни тўхтаганини, аксинча, қуролланиш ва ядровий риторика кучайиб бораётганини таъкидламоқда.
