АҚШ Эронга эҳтимолий зарба бериш санасини маълум қилди
Расмийлар дипломатик ечим учун имкониятлар мавжудлигини билдирган.
АҚШ расмийлари яқин кунларда Эронга қарши эҳтимолий ҳарбий зарба беришга тайёрланмоқда. Бу ҳақда Блоомберг ахборот агентлиги билги манбаларига таяниб хабар берди.
Манбаларга кўра, ҳарбий операция 21—22 июнь кунларига белгиланган, бироқ сана вазиятга қараб ўзгариши мумкин.
Хабарда айтилишича, режалаштиришда АҚШнинг йирик федерал агентликлари раҳбарлари иштирок этган. Операция тафсилотлари ҳозирча оммага ошкор қилинмаган.
Аввалроқ АҚШ расмийлари дипломатик ечим учун имконият ҳали мавжудлигини билдирган эди. Уларнинг таъкидлашича, агар Теҳрон музокараларга рози бўлса, ҳафта ичида АҚШ ва Эрон вакиллари ўртасида учрашув ўтказилиши мумкин.
Эслатиб ўтамиз, АҚШ президенти ва бошқа Ғарб давлатлари Эронни уран бойитишни тўхтатиш ва “ядро битими”га қайтишга даъват этиб келмоқда.
