АҚШ талабалар визасини тиклашда янги текширув жорий қилади
Визага даъвогарларнинг ижтимоий тармоқлари текширилади.
АҚШ Давлат департаменти май ойида тўхтатилган талабалар визаси учрашувларини қайта бошлаш бўйича кўрсатма берди.
Эндиликда элчихоналар визага мурожаат қилувчиларнинг ижтимоий тармоқлардаги фаоллигини ҳам таҳлил қилади. Ариза топшираётганлардан ижтимоий медиа профилларини очиқ сақлаш сўралади. Фаолликнинг яширилиши ёки чекланиши — шубҳали фаолият белгиси сифатида баҳоланиши мумкин.
Янги низомга кўра, АҚШ фуқаролари, ҳукумати ёки жамиятига салбий муносабат бор-йўқлиги кўриб чиқилади. Визага даъвогарларнинг ҳар қандай онлайн изи — ижтимоий тармоқ, қидирув тизимлари, ва мавжуд маълумотлар базалари орқали текширилади.
Бу талаблар янги ва қайта кираётган талабаларга — Ф, М ва Ж туридаги визалар учун амал қилади.
Аввалроқ Трамп маъмурияти халқаро талабаларни чекловчи сиёсат олиб борган, баъзиларининг визалари бекор қилинган, хусусан Гарвард университети нишонга олинган эди.
