Чехияда сохта стоматолог қўлга олинди
22 ёшли йигит YouTube’дан ўрганиб, беморларнинг тишини олган.
Чехияда тиббий билим ва лицензияга эга бўлмаган оила аъзолари ноқонуний стоматологик хизмат кўрсатгани аниқланган. 22 ёшли йигит интернетдаги дарсларга асосланиб ўзини тиш шифокори сифатида танитиб, беморларнинг тишларини даволаган. У ҳатто илдиз каналларини тозалаш, тишларни олиб ташлаш, ва беҳушлик қилиш каби мураккаб муолажаларни ҳам мустақил амалга оширган.
Маълумотларга кўра, бу ишлар 2023 йилда Гавличкув-Брод шаҳрида очилган яширин клиникада олиб борилган. Йигитга унинг 50 ёшли онаси (соғлиқни сақлаш соҳасида ишлаган) ва 44 ёшли қариндоши ёрдам берган. Аёл дори воситалари ва стоматологик материалларга расмий кириш ҳуқуқига эга бўлиб, ноқонуний муолажалар учун керакли воситаларни етказиб берган. Эркак эса клиника жойини таъминлаган ва протез тайёрлаш билан шуғулланган.
Полиция томонидан қўлга олинган ушбу оила Чехия соғлиқни сақлаш тизими хавфсизлигига жиддий таҳдид солганликда гумон қилинмоқда. Ҳозирда тергов ишлари олиб борилмоқда.
