Малайзияда Телеграм вақтинча блокланди
Малайзияда мессенжер устидан суд қарори чиқарилди.
Малайзия суди алоқа ва мультимедиа комиссияси (МСМС) талабига биноан Telegram мессенжерининг фаолиятини вақтинча тўхтатиш бўйича қарор чиқарди. Бу ҳақда мамлакатнинг Бернама ахборот агентлиги хабар берди.
Расмийларга кўра, Telegram ва унга тегишли “Edisi Siasat” ва “Edisi Khas” номли каналлар маҳаллий қонунларни бузадиган ҳамда давлат тузилмаларига бўлган ишончни сусайтирадиган материалларни тарқатишда айбланган.
МСМС баёнотида айтилишича, регулятор Telegram'ни тақиқланган контентни олиб ташлаш зарурати ҳақида бир неча бор огоҳлантирган. Бироқ платформа етарли чора кўрмаган ва бу суднинг вақтинчалик блоклаш тўғрисидаги қарорига олиб келган.
Айни пайтда Telegram'га судда ўз позициясини тушунтириш имкони берилиши режалаштирилмоқда. Шу билан бирга, МСМС бошқа ижтимоий тармоқлар ва мессенжерларни ҳам маҳаллий қонунларга қатъий амал қилиш ҳақида огоҳлантирди.
