Хитой доллар ҳукмронлигини тугатмоқчи
Бу ҳақда Хитой Халқ банки губернатори маълум қилди.
Хитой глобал молиявий тизимда АҚШ долларининг устунлигига қарши кўп қутбли валюта тартибини илгари сурмоқда. 19 июнь куни Шанхайда бўлиб ўтган молиявий форумда Хитой Халқ банки губернатори Пан Гонгшенг шу фикрни билдирди.
Унинг айтишича, долларга асосланган тизим ўрнига кўпроқ валюталар иштирок этадиган тартиб глобал молиявий барқарорликни яхшироқ ҳимоя қилади. Бу ғоя Хитойнинг доллар таъсирини чеклашга қаратилган ҳаракатларидан биридир.
Пан бу баёнотни Эвропа Марказий банки президенти Кристин Лагарднинг “Financial Times” нашрида эълон қилинган мақоласи ортидан билдирди. Лагард доллар устунлигининг сўроқ остида қолганини ва “глобал эвро” дақиқаси келганини таъкидлаган эди.
Хитойнинг валюта ташаббуси, гарчи янги бўлсада, ҳали ҳам глобал миқёсда қад ростлаш учун долзарб муаммоларга дуч келмоқда.
