АҚШ давлат қарзи рекорд даражага етди
Давлат қарзи 37 триллион доллардан ошиб кетди.
АҚШнинг давлат қарзи илк бор 37 триллион доллардан ошди. Бу ҳақда 2025 йил 20 июнь куни эълон қилинган Debt Clock кузатув портали хабар бермоқда.
Сўнгги 12 ой ичида федерал қарз ҳажми 1.56 триллион долларга ошган. Молиявий таҳлилчиларнинг қайд этишича, 2025 йил охирига бориб давлат қарзи бўйича фоиз тўловлари бир триллион долларга етиши мумкин.
Шунга қарамай, бозорларда бу статистикага кескин муносабат бўлмади: фонд индекслари, Bitcoin, Ethereum каби криптоактивлар кескин тебранмади.
Машҳур тадбиркор, Tesla ва SpaceX асосчиси Элон Муск, сиёсий фаол Гюнтер Эаглеманнинг бу борадаги огоҳлантирувчи постини Twitter/X саҳифасида репост қилиб, вазиятга жамоатчилик эътиборини қаратди.
“37 триллион долларлик қарздан ошиб кетди. Бирор нарса ўзгариши керак”, – дейилади Муск қўллаб-қувватлаган постда.
