БМТ Хавфсизлик Кенгаши фавқулодда йиғилиш ўтказади
Йиғилишда Эрон-Исроил можароси муҳокама қилинади.
БМТ Хавфсизлик Кенгаши 2025 йил 20 июнь куни Эрон ва Исроил ўртасидаги кескинликни муҳокама қилиш учун фавқулодда йиғилиш чақирмоқда. Бу йиғилиш кун тартибининг “Халқаро тинчлик ва хавфсизликка таҳдид” моддасига асосланган.
Йиғилиш ўтказиш ҳақидаги талаб Эрон томонидан 18 июнь куни юборилган расмий мактуб (С/2025/391) орқали илгари сурилган. Ташаббусни Жазоир, Хитой, Покистон ва Россия қўллаб-қувватлаган.
Мазкур йиғилишда БМТ Бош котибининг сиёсий ва тинчликпарварлик масалалари бўйича ўринбосари Розмари ДиКарло ва МАГАТE (Халқаро атом энергияси агентлиги) бош директори Рафаэл Мариано Гросси брифинг бериши кутилмоқда.
Шунингдек, йиғилиш давомида Эрон ва Исроил вакилларининг ҳам сўзга чиқиши режалаштирилган.
