Эроннинг ядровий қурол хавфи кучаймоқда
Эрон бир неча ҳафта ичида ядро қуролини яратиши мумкин.
АҚШ расмийлари Эрондаги ядровий салоҳият борасида жиддий хавотир билдиришмоқда. Оқ уй матбуот котиби Керолин Леавиттнинг сўзларига кўра, агар Эрон раҳбарияти тегишли қарор қабул қилса, мамлакат “бир неча ҳафта ичида” ядро қуролини яратиш имкониятига эга.
Маълум қилинишича, Леавитт бу фикрни журналистлар учун ўтказилган навбатдаги брифингда билдирган.
“Эрон ядро қуролини ишлаб чиқиш учун барча зарур технологик имкониятларга эга. Бунинг учун фақат олий раҳбарнинг рухсати керак. Ядро қуролининг ишлаб чиқарилиши эса бир неча ҳафта вақт олади. Бу ҳолат нафақат Исроил, балки АҚШ ва бутун дунё учун экзистенциал таҳдид ҳисобланади”, — деди Леавитт.
Шунингдек, у халқаро ҳамжамият, жумладан Россия каби йирик давлатлар ҳам Эроннинг ядро қуролига эга бўлишига йўл қўймаслик кераклиги борасида ягона фикрда эканини таъкидлади.
Аввалроқ АҚШ президенти Доналд Трамп ҳам Эронга қарши эҳтимолий ҳарбий зарба бериш имкониятини истисно қилмаган эди. Оқ уй матбуот котибаси Трумпнинг баёнотини эслатиб, у яқин икки ҳафта ичида зарбалар бўйича қарор қабул қилиши мумкинлигини айтиб ўтди.
