Украина раҳбари Путин билан учрашишга тайёр
Зеленский урушни 2029 йилгача тугатиш ниятида эканини билдирди.
Украина президенти Владимир Зеленский Россия билан уруш 2029 йилгача, яъни АҚШ президенти Доналд Трампнинг иккинчи президентлик муддати тугашидан олдин якунланиши кераклигини таъкидлади.
Маълум қилинишича, Зеленский бу фикрни ўзининг навбатдаги кечки видеомурожаатида баён қилган.
“Ҳеч қандай ультиматум бўлмаслиги керак. Бизга ҳақиқий сулҳ керак. Урушни адолатли якунлаш зарур. Украина энг юқори даражадаги музокараларга тайёр, бу даража эса қарорлар қабул қилиш босқичидир. Мен Россия президенти Владимир Путин билан ҳам учрашишга тайёрман — агар у қарорлар қабул қила оладиган бўлса”, — деди Зеленский.
Украина раҳбари шунингдек, АҚШнинг ҳозирги президенти Доналд Трампга катта умид боғлаётганини ҳам билдирган.
“Биз урушни Трампнинг президентлиги даврида тугатмоқчимиз. Мен унинг ёрдами ва АҚШнинг глобал таъсир кучига жуда ишонаман. Бизга санкциялар, дипломатия ва хавфсизлик кафолатлари керак”, — дея таъкидлади у.
Эслатиб ўтамиз, АҚШда 47-президент сифатида қайта сайланса, Доналд Трампнинг иккинчи муддатидаги президентлиги 2029 йил 20 январда якунланади.
