Владимир Путин мултфилм қаҳрамонига айланиши мумкин
Путин “Простоквашино” қаҳрамони сифатида пайдо бўлиши мумкин.
Россия президенти Владимир Путин машҳур мултфилм – “Простоквашино” сюжетига кириб, анимацион қаҳрамонга айланиши мумкин.
Маълум қилинишича, бу ҳақда “Союзмултфилм” директорлар кенгаши раиси Юлиана Слашчёва Петербург халқаро иқтисодий форуми доирасида маълум қилган.
Унинг таъкидлашича, бу ғоя Россия маданиятини хорижда тарғиб қилиш, яъни “юмшоқ куч” стратегиясининг бир қисми сифатида кўрилмоқда. Путин ва мушук Матроскин дуэти бутун дунё томошабинларига ёқиши мумкин бўлган ёрқин, ноодатий ва эсда қоларли тандем сифатида тасвирланмоқда.
Муҳокама мавзусига Индонезиянинг Модена Сорпоратион вакили Майкл Жизаранинг нутқи сабаб бўлган. У Осиё мамлакатларида Россия маданиятини янада фаол тарғиб этишни таклиф қилган.
Қайд этилишича, “Простоквашино” бугунги кунда машҳурлик жиҳатидан ҳатто “Маша ва Айиқ” мултфилмидан ҳам ўзиб кетган.
