Эрон президенти Қатар амиридан узр сўради
Пезешкиан вазиятни тўғри тушунтириш учун Доҳага бормоқчи.
Эрон президенти Масуд Пезешкиан Қатар амири Тамим бин Ҳамад Ал Танига телефон орқали мурожаат қилиб, Қатарда жойлашган Ал-Удеид ҳарбий базасига берилган зарба юзасидан афсусдалигини билдирди.
Reuters агентлигининг хабар беришича, бу ҳақда Қатар ҳукумат раҳбари ва ташқи ишлар вазири Шайх Муҳаммад бин Абдулраҳмон Ал Тани маълум қилган.
Президент Пезешкианнинг баёнотига кўра Эрон Қатардаги воқеалардан афсусда ва Эрон-Қатар ўртасидаги дўстлик ва биродарлик муносабатларини ривожлантиришга интилмоқда.
Пезешкиан яқин фурсатда Доҳада Қатарнинг амири билан учрашиб, икки томонлама алоқаларни муҳокама қилиш истагини билдирган.
Мазкур баёнот Эрон минтақадаги геосиёсий вазиятни юмшатиш, айниқса Форс Кўрфазидаги давлатлар билан муносабатларни барқарорлаштиришга ҳаракат қилаётганидан далолат беради.
