НАСА'нинг “ўлик” сунъий йўлдоши уйғонди
У 60 йилдан сўнг яна сигнал юборган.
НАСА'нинг деярли 60 йил олдин ишдан чиққан Relay 2 сунъий йўлдоши кутилмаганда радиосигнал юборди. Бу ҳақда 2024 йил 13 июнь куни Австралиянинг Кертин университети олимлари хабар беришди.
Астрономлар осмонда 30 наносекунддан кам давом этган ноодатий нурланишни қайд этишди. Тадқиқотлар унинг манбайи чуқур коинот эмас, балки орбитада жойлашган Relay 2 йўлдоши экани аниқлади.
Relay 2 1964 йилда учирилган, бироқ 1965 йилнинг сентябрида ишдан чиққан. 1967 йилдан бери ҳеч қандай фаоллик кўрсатмаган сунъий йўлдошнинг кутилмаган сигнали олимларни ҳайратга солди.
Мутахассислар бу ҳолатни икки хил йўсинда тушунтиришмоқда: йўлдош электростатик разряд туфайли сигнал юборган, ёки микрометеорит билан тўқнашув натижасида плазма портлаши юз берган.
