Эрон АҚШдан товон пули талаб қилмоқда
Ҳозирда етказилган зарар миқдори ҳисоблаб чиқилмоқда
Эрон АҚШни ўз ҳудудидаги ҳаво ҳужумлари натижасида етказилган зарарни қоплашга чақирмоқда. Бу ҳақида маҳаллий нашрлар хабар берди.
Эрон ташқи ишлар вазирлигига кўра, Вашингтон Эрон объектларига етказилган зарарни қоплашга мажбур. Дастлабки ҳисоб-китобларга кўра, биргина объектнинг ўзи Эронга 5 миллиард доллардан кўпроқ харажатга тушган.
Американинг бомбардимончи самолётлари ва қанотли ракеталари томонидан Эроннинг учта ядровий объектига зарба берилган.
Мамлакат расмийлари яқин орада ушбу масала юзасидан БМТга шикоят билан мурожаат қилиш ниятида. Кўриб чиқилаётган миқдор ҳали номаълум.
Етказилган зарар миқдорини баҳолаш анча қийин жараён бўлиб, бу узоқ вақт талаб қилиши мумкин.
