Эрон раҳбари ядровий қуролдан воз кечиш шартларини эълон қилди
Пезешкиан минтақавий хавфсизлик бўйича муҳим баёнот берди.
Эрон Ислом Республикаси Президенти Масуд Пезешкиан Миср Араб Республикаси Президенти Абдел Фаттоҳ ас-Сиси билан телефон орқали мулоқот ўтказди. Суҳбат чоғида Эрон раҳбари Яқин Шарқда ядро қуроли ва бошқа оммавий қирғин қуролларидан холи минтақани шакллантириш зарурлигини таъкидлади. Бу ҳақда Эрон Президентининг расмий веб-сайти хабар берди деб ёзади vestikavkaza.ru нашри.
“Эрон ядровий қурол ва бошқа оммавий қирғин қуролларидан воз кечишга тайёр, бироқ бу жараёнга Исроил ҳам жалб этилиши шарт. Чунки айнан ушбу давлатнинг сўнгги ёндашувлари унга нисбатан ишонч уйғотмаяпти”, — дея таъкидлади президент Пезешкиан.
Унинг таъкидлашича, Теҳрон ўз ядровий дастуридан ҳам, ҳатто оддий қуролланишдан воз кечишга тайёр. Бироқ бундай муҳим қадамга бориш учун минтақадаги барча томонлар, хусусан, Исроилнинг ҳам иштироки ва содиқлиги таъминланиши лозим.
Эслатиб ўтамиз, аввалроқ АҚШ президенти Доналд Трамп Оқ уй Эрон ядровий дастури бўйича янги музокаралар босқичига умид билдирмоқда, дея баёнот берган эди. Унинг сўзларига кўра, Вашингтон Теҳрондан ядровий дастурдан бутунлай воз кечишни яна бир бор талаб қилиши кутилмоқда.
