Нью-Йорк шаҳри мери илк бор мусулмон одам бўлиши мумкин

Нью-Йорк мери лавозимига бўлиб ўтаётган демократик партия праймеризида кутилмаган натижалар қайд этилди. Дастлабки ҳисоб-китобларга кўра, сўл қарашларга эга бўлган ва ҳозирча кенг жамоатчиликка унчалик танилмаган номзод — Зоҳран Мамдани — сайлов пойгасида етакчилик қилмоқда деб хабар беради BBC.com нашри.

 

Сайлов натижалари бўйича овозларнинг 85 фоизи ҳисоблангач, Мамдани 43,5 фоиз овоз билан Нью-Йорк губернатори Эндрю Куомони (36,4 фоиз) ортда қолдиргани маълум бўлди. Сайлов жараёни рейтингли овоз бериш тизимида ўтказилган бўлиб, унда сайловчилар бир нечта номзодни устуворлик тартибида белгилайдилар.

 

Бу жараёнда энг кам овоз тўплаган номзодлар ҳар босқичда чиқариб ташланади ва уларнинг овозлари тарафдорлари томонидан иккинчи ўринга қўйилган номзодларга қайта тақсимланади. Ғолиб, 50 фоиз овоз тўплагунча жараён давом этади.

 

Расмий якуний натижалар ҳали эълон қилинмаган бўлсада, Эндрю Суомо Зоҳран Мамданига қўнғироқ қилиб, уни дастлабки натижалардаги устунлиги билан табриклагани хабар қилинди.

 

Маълумот учун, Мамдани демократик социалистлар сафида фаолият юритиб келмоқда ва Нью-Йоркдаги мусулмон жамоатчилиги орасида танилган. У, шунингдек, АҚШ сиёсатидаги таниқли сўл етакчилар — конгрессмен Александрия Окасио-Кортез ва сенатор Берни Сандерснинг расмий кўмагини олган.

 

Учинчи ўринни эгаллаган шаҳар амалдори Бред Ландер ўз тарафдорларини Мамданини иккинчи рақамли номзод сифатида белгилашга ундагани ҳам бу натижага сезиларли таъсир қилган.