Жанубий Кореяда метро атайин ёқиб юборилди
67 ёшли эркак одамлар билан тўла вагонга ўт қўйган.
Сеул метросида 67 ёшли эркак йўловчилар билан ҳаракатланаётган вагон ичида ёнғин чиқаргани ҳақида расмий маълумот берилди. У метронинг ички қисмига ёнилғи қуйиб, уни атайлаб ёқиб юборган.
Воқеа оқибатида бир нечта йўловчи турли даражадаги тан жароҳатлари олган, аммо ҳалок бўлганлар йўқ. Ҳодиса содир бўлган вақтда вагон тўла бўлган.
Расмий терговга кўра, ҳужумни содир этган шахс руҳий саломатлигида муаммо бўлган ва у ажрашиш билан боғлиқ стрессли ҳолат сабабли бу жиноятга қўл ургани аниқланган. Ҳозирда у ҳуқуқни муҳофаза қилувчи органлар томонидан қўлга олинган ва тергов ҳаракатлари олиб борилмоқда.
Жанубий Корея расмийлари мазкур ҳолат юзасидан хавфсизлик чораларини кучайтирганини маълум қилган.
