Туркияда ўрмон ёнғинларини уюштиришда гумонланганлар ҳибсга олинди
1 июндан бери мамлакатда 1516 та ўрмон ёнғини содир бўлган.
Туркияда ўрмон ёнғинларини атайлаб қўйишда гумон қилиниб, 31 киши қўлга олинди. Уларнинг 10 нафари ҳибсга олинган, яна 10 нафари суд назоратида вақтинча озодликка чиқарилган.
Президент Ражаб Тоййиб Эрдўған маълумотига кўра, 1 июндан бери мамлакатда 1516 та ўрмон ёнғини содир бўлган, шундан 1507 таси назоратга олинган.
Ёнғинларга қарши курашга 150 га яқин самолёт, 25 минг киши ва 6 мингга яқин техника жалб этилган. Айни дамда 9 та ёнғин ҳануз давом этмоқда.
Эрдўған айтишича, учувчисиз қурилмалар, вертолётлар ва самолётлар ёрдамида жами 10 260 парвоз амалга оширилиб, 33 200 тонна сув ёнғин ўчиришга сарфланган.
