Эрон ички ва халқаро парвозларга тақиқни узайтирди
Шимол, жануб ва ғарбдаги рейслар вақтинча бекор қилинди.
Эрон 2 июль соат 14:00дан бошлаб мамлакатнинг бир қатор ҳудудларида ички ва халқаро рейсларга қўйилган вақтинчалик тақиқни узайтирди. Бу ҳақда Эрон Йўллар ва шаҳарсозлик вазирлиги вакили Мажид Ахаван маълум қилди.
Унинг сўзларига кўра, айниқса мамлакатнинг шимоли, жануби ва ғарбида жойлашган аэропортлар, жумладан Теҳрондаги Меҳробод ва Имом Хумайний халқаро аэропортлари орқали парвозлар вақтинча тўхтатилган. Фуқаролардан ушбу аэропортлар билан боғланмаслик сўралди.
Шу билан бирга, Эрон ҳаво ҳудудининг марказий ва ғарбий қисмлари орқали халқаро транзит рейсларга рухсат берилмоқда. Мамлакатнинг шарқий қисми эса ички ва халқаро рейслар учун очиқлигича қолмоқда.
Тақиқнинг узайтирилишига аниқ сабаблар кўрсатилмаган, бироқ бу чоралар хавфсизлик билан боғлиқ эҳтиёт чораси сифатида баҳоланмоқда.
