АҚШ Украина ва бир қатор давлатларга қурол етказиб беришни вақтинча тўхтатди
АҚШ ҳарбий ёрдам сиёсатини қайта кўриб чиқмоқда.
АҚШ ҳукумати Украина ҳамда яна бир нечта мамлакатларга қурол-яроғ ва ўқ-дори етказиб бериш жараёнини вақтинча музлатди. Бу ҳақда Оқ уй вакили Анна Келли CBS News телеканалига берган интервьюсида маълум қилди.
Келли сўзларига кўра, ушбу мамлакатлар “қайта таснифланган” бўлиб, эндиликда АҚШ ҳарбий ёрдамида устувор мақомга эга эмас. Бироқ, у ушбу қарор қайси давлатларга тегишли эканини очиқламаган.
Шунингдек, Келли бу чора “Америка манфаатларини биринчи ўринга қўйиш” принципига асосланганини таъкидлади.
Мазкур қарор АҚШнинг ташқи ҳарбий сиёсатидаги муҳим бурилиш сифатида баҳоланмоқда. Бу Украина уруши фонида халқаро ёрдам мувозанати ва геосиёсий таъсирлар контекстида кенг муҳокама қилинмоқда.
