Швейцарияда атом электр станцияси қисман ёпилди
Бунга Ааре дарёсидаги сув ҳароратининг ошиб кетгани сабаб бўлган.
Швейцариянинг Ааргау кантонида жойлашган Безнау атом электр станцияси ҳаддан ташқари иссиқлик туфайли қисман ёпилди. Станциянинг икки реакторидан бири тўхтатилган, иккинчиси эса фақат 50% қувватда ишламоқда.
Бунга Ааре дарёсидаги сув ҳароратининг ошиб кетгани сабаб бўлган. Безнау АЭСъда совитиш минораси йўқ ва реакторлар дарё суви билан совитилади.
АЭС қувватининг чекланиши дарё экотизимини — айниқса флора ва фаунани — ҳаддан ташқари исиш ва ифлосланишдан ҳимоя қилиш учун амалга оширилди.
Ҳозирда Ўрта ер денгизи мамлакатлари ва Ғарбий Европада кучли жазирама кузатилмоқда. Италияда иссиқлик сабаб касалхоналарга мурожаатлар сони ортмоқда.
