Буюк Британиянинг ядро базалари заиф ҳимояда
Ҳарбий база атиги 1,5 метр баландликдаги оддий панжара билан ҳимояланган.
Буюк Британиянинг ядровий қуроллари сақланадиган ҳарбий базалари атиги 1,5 метр баландликдаги оддий панжара билан ҳимоялангани маълум бўлди. Бу заиф хавфсизлик тизими Ф-35 қирувчи самолётлари жойлашадиган объектларга ҳам тааллуқли.
The Telegraph нашрига кўра, баъзи учиш-қўниш йўлаклари фақат ёғоч тўсиқлар билан ўралган ёки умуман ҳимоясиз қолган. Бундай жойларни ҳатто оддий Стреэт Виев орқали ҳам топиш мумкинлиги айтилмоқда.
Ўтган ҳафта Фаластинни қўллаб-қувватловчи Палестине Астион гуруҳи ушбу базаларга ҳужум қилиш билан таҳдид қилган эди. Мутахассислар бу каби объектлар душман элементлар учун осон нишонга айланиши мумкинлигини огоҳлантиришмоқда.
Экспертлар ҳарбий инфратузилмаларнинг хавфсизлик даражасини зудлик билан кучайтириш зарурлигини таъкидлашмоқда. Чунки миллий хавфсизлик бундай ҳолатларда жиддий таҳдид остида қолиши мумкин.
