Иқтисодиётни жонлантириш мақсадида Жанубий Кореяда пул тарқатилади
Кореяда ҳар бир фуқаро учун молиявий ёрдам дастури бошланди.
Жанубий Корея ҳукумати ички истеъмолни рағбатлантириш ва миллий иқтисодиётни жонлантириш мақсадида ҳар бир фуқарога 150 000 вон (тахминан 110 АҚШ доллари) миқдорида бир марталик молиявий ёрдам пули ажратилишини эълон қилди.
The Korea Herald нашрига таянаб Oxu.Az хабар беришича, ушбу тўловдан мамлакатда 2025-йил 18-июнга қадар доимий яшаган барча Жанубий Корея фуқаролари фойдалана олади. Мазкур сана — дастур расман эълон қилинган кундан бир кун аввалга тўғри келади.
Молиявий ёрдам фақат фуқароларга эмас — доимий яшовчилар, никоҳ асосида кўчиб келган иммигрантлар ҳамда расмий равишда қочқин мақомини олган шахслар ҳам ушбу дастурдан фойдаланиш ҳуқуқига эга.
Бироқ хорижлик фуқаролар, яъни вақтинча яшовчилар ёки ишчи визаси билан мамлакатда бўлганлар тўлов олиш имкониятига эга эмас.
