Линколн имзолаган қулликни бекор қилиш ҳужжати аукционга қўйилди
Америкалик миллиардер ҳужжатни аукционида 12 миллион долларга харид қилди.
АҚШда миллиардер Кеннет С. Гриффин Авраам Линколн томонидан имзоланган, Конституцияга 13-тузатмани ўз ичига олган қўлёзма ҳужжатни Сотҳебйъс аукционида 12 миллион долларга харид қилди. Комиссия билан бирга умумий сумма 13,7 миллион долларни ташкил этди.
Бу ҳужжат “Фине Боокс Анд Мануссриптс, Инслудинг Америсана” савдосининг асосий лотларидан бири бўлиб, тарихий аҳамияти билан ажралиб турди. Ҳозирда бундай нусхалардан фақат тўрттаси мавжуд.
Гриффин, шунингдек, 1864 йилда Линколн имзолаган қулларни озод қилиш ҳақидаги Прокламацияни ҳам 4,4 миллион долларга харид қилди. У ҳужжатларни “инсоният тенглиги йўлидаги муҳим қадам” сифатида баҳолади.
Ситадел фонди асосчиси Гриффин дунёдаги энг йирик санъат коллекционерларидан бири бўлиб, у турли машҳур музейларга ҳомийлик қилади ва кўплаб ноёб асарларга эгалик қилади.
