Жанубий Кореянинг собиқ президенти яна ҳибсга олиниши мумкин
Прокурор собиқ президентга нисбатан иккинчи бор ҳибсга олиш ордери берилишини сўради.
Жанубий Кореяда собиқ президент Юн Сок Ёл яна ҳибсга олиниши мумкин. 2024 йил декабр ойида мамлакатда ҳарбий ҳолат жорий қилгани юзасидан олиб борилаётган тергов доирасида махсус прокурор Пак Чжи Ён унга нисбатан ҳибсга олиш ордери берилишини сўради. Бу ҳақда Renhap агентлигига таянаб Oxu.Az хабар берди.
Пак Чжи Ён ордер сўрови брифинг чоғида эълон қилинганини маълум қилиб, иш тафсилотлари суд мажлисида ошкор этилишини билдирди.
Эслатиб ўтамиз, май ойида ҳам собиқ президентни ҳибсга олиш учун ордер берилиши сўралган эди, бироқ бу сўров рад этилган.
Юн Сок Ёл 2024 йил декабрида мамлакатда ҳарбий ҳолат эълон қилганидан сўнг унга импичмент эълон қилинган ва 2025 йил январида исён уюштирганлик айби билан ҳибсга олинган эди. Март ойида Сеул суди уни қамоқдан озод қилган бўлса-да, унга қарши жиноят иши ҳануз давом этмоқда.
