Қирғизистон россияликларга фуқаролик беришни расман тўхтатди
24-январдан кейин топширилган аризалар бекор қилинди.
Қирғизистон эндиликда Россия фуқароларига фуқаролик бермайди. Бу ҳақда паспорт масалалари бўйича маслаҳатчи Михаил Жуховицкий ўзининг Telegram-каналида маълумот берди, дейди Oxu.Az нашри.
Маълум қилинишича, 2025 йил 24 январдан кейин топширилган аризалар бўйича Қирғизистон паспортини олишнинг иложи йўқ.
“Энди Қирғизистон фуқаролигини олишнинг имкони қолмади. Ҳеч қандай тўлов, воситачи ёки таниш орқали ҳам бу амалга ошмайди. Бу ҳақда барча воситачилар ва мансабдорлар хабардор – аммо барибир одамларни алдб, пул олишда давом этишмоқда”, – деди Жуховицкий.
Унинг сўзларига кўра, жорий йил январ ойидан бошлаб на Миллий хавфсизлик давлат қўмитаси, на Ички ишлар вазирлиги томонидан бирорта ҳам ариза тасдиқланмаган.
