Бугун лавозимидан озод қилинган Россия транспорт вазири уйидан ўлик ҳолда топилгани маълум бўлди
Старовойтнинг ўлими катта молиявий жиноят билан боғлиқ бўлиши мумкин.
Роман Старовойт Москва яқинидаги Одинцово шаҳридаги шахсий уйида ҳаётдан кўз юмган. Россия Давлат Думасининг Мудофаа қўмитаси раҳбари Андрей Картаполов унинг ўлим сабабини ўз жонига қасд қилиш деб атади.
Роман Старовойт транспорт вазири лавозимида бир йилдан ортиқ ишлаган. У бунга қадар беш йил давомида Курск вилояти губернатори бўлган. Старовойтдан сўнг Курск вилоятига вақтинчалик губернатор этиб тайинланган Алексей Смирнов кейинчалик истеъфога чиққан ва ҳибсга олинган.
Telegram’даги Mash канали хабарига кўра, Старовойтнинг ўз жонига қасд қилиши Курск вилоятининг Украина қўшинлари назоратига ўтган ҳудудларида мудофаа иншоотлари қурилиши билан боғлиқ коррупция ишларига алоқадор бўлиши мумкин.
Маълумотларга кўра, Старовойтнинг вафоти расмий тарзда эълон қилинган лавозимидан озод этилишидан олдин, шанба кунидан якшанбага ўтар кечаси содир бўлган. Forbes ва бошқа манбалар бу маълумотни терговга яқин манбаларга таянадиган ҳолда тасдиқлаган.
Айтилишича, Старовойт бугун эрталаб Ташқи ишлар вазирлигида йиғилишда қатнашган ва истеъфо қарори эълон қилиниши олдидан иш жойида бўлган.
