Россия туроператорлари Афғонистонга илк сайёҳлик турларини таклиф қила бошлади
Август ойида 10 кишидан иборат гуруҳ пойтахт Қобулга йўл олади.
Россиялик туроператорлар Афғонистонга расмий тарзда биринчи сайёҳлик гуруҳини жўнатишга тайёргарлик кўрмоқда. Август ойида 10 кишидан иборат гуруҳ пойтахт Кобулга йўл олади. Саёҳат нархи 3 минг доллардан бошланади. Ташкилотчилар бу туристик йўналишни “экзотик ва тарихий тажриба” сифатида тақдим этмоқда.
Саёҳат дастурига бир нечта тарихий обидалар бўйлаб экскурциялар, Толибон назорати остидаги маданий тадбирлар ва доимий қуролли хавфсизлик хизмати киради. Меҳмонларга маҳаллий ошхонадан таомлар, анъанавий бозорлар ва қадимий масжидлар билан танишиш имконияти берилади.
Россия Афғонистонда Толибон ҳокимиятини де-факто тан олган давлатлардан бири ҳисобланади. Шу сабабли туризм соҳасидаги илк алоқалар ҳам айнан Россиядан бошланган. Турфирмалар бу йўналиш ҳозирча фақат “саёҳат ихлосмандлари ва хавфни кўзлаб саёҳат қилувчилар” учун мос эканини тан олмоқда.
Экспертлар эса бу ташаббус хавфсизлик жиҳатидан жиддий баҳоланиши лозимлигини таъкидлашмоқда. Толибон назоратидаги ҳудудда туристик ҳаракатланиш ҳанузгача барқарор эмас, аммо бу Россия-Афғонистон ўртасидаги янги туризм алоқаларининг бошланиши сифатида қаралмоқда.
