АҚШ Исроилнинг Ғазони тўлиқ босиб олиш режасига қарши чиқди
Оқ уйда бўлиб ўтган музокарада АҚШ, Исроил ва Қатар вакиллари ўт очишни тўхтатиш шартларини муҳокама қилди.
АҚШ Исроил томонидан таклиф этилган Ғазо секторида ҳарбий босқинни давом эттириш режасини қўллаб-қувватламаслигини билдирган. Бу ҳақда Axios нашри музокаралар билан таниш манбаларга таяиниб хабар берди.
Хабарга кўра, Оқ уйда АҚШнинг Яқин Шарқ бўйича махсус вакили Стив Уиткофф, Исроилнинг стратегик режалаштириш вазири Рон Дермер ва Қатар вакили иштирокида учрашув бўлиб ўтган.
Мазкур учрашувда ўт очишни тўхтатиш шартлари, хавфсизлик кафолатлари ва можарони сиёсий йўл билан ҳал этиш вариантлари муҳокама қилинган. Аммо, АҚШ Исроил томонидан Ғазо секторини тўлиқ босиб олиш (оккупация қилиш) режасини қўллаб-қувватламаслигини қатъий билдирган.
Музокаралар давомида томонлар можарога барҳам бериш ва тинчлик йўлида ҳаракат қилиш зарурлигини таъкидлаган.
