Ҳиндистонда профессионал теннисчи қиз отаси томонидан отиб ўлдирилди
25 ёшли Радхика уч марта ўққа тутилган.
25 ёшли профессионал теннисчи Радхика Ядав даромад ва шахсий ҳаёт масаласида юзага келган оилавий можаро вақтида отаси томонидан отиб ўлдирилди. Бу ҳақда Oxu.Az Ҳиндистон оммавий ахборот воситаларига таянилиб хабар бермоқда.
Радхика уч марта ўққа тутилиб, оғир аҳволда шифохонага етказилган, бироқ шифокорлар унинг ҳаётини сақлаб қола олмаган.
Дастлабки маълумотларга кўра, қотилликка маиший ва оилавий низолар сабаб бўлган. Ота қизининг ижтимоий тармоқлардаги фаоллиги ва қисқа видеоларни мунтазам жойлаб боришидан норозилигини яширмаган.
Аммо терговчилар қотилликнинг чуқур илдизлари борлигини таъкидламоқда. Уларнинг айтишича, ота Радхиканинг мустақил теннис академиясини бошқариши ва бу орқали даромад топаётгани, шу сабабли қариндошлар ва қўшниларнинг танқидларига учраганидан ғазабланган.
