Францияда маҳбус сумка ичига яшириниб, қамоқдан қочди

Франциянинг жануби-шарқидаги Лён-Корбас қамоқхонасида ғаройиб қочиш ҳолати юз берди. Жазони ўтаётган маҳбуслардан бири озод этилаётган бошқа бир маҳбуснинг сумкасига яшириниб, қамоқдан чиқиб кетган. Бу ҳақда Франция ОАВларига таяниб ББС хабар берди.

 

Қамоқхона маъмурияти ҳодиса 11 июль куни юз берганини тасдиқлади ва воқеа юзасидан тергов ишлари бошланганини маълум қилди. “Маҳбус бошқа бир ҳибсдаги шахснинг озодликка чиқишидан фойдаланиб, сумкага яширинган ва қамоқхонадан чиқиб кетган”, дейилади расмий баёнотда.

 

Маҳбус бир нечта жиноятларда гумон қилинаётгани, шунингдек, уюшган жиноятчилик иши бўйича ҳам тергов қилинаётган эди. Қочиб кетган маҳбуснинг қаердалиги ҳозирча номаълум.

 

Маълумотларга кўра, Лён-Корбас қамоқхонасида маҳбуслар сони ортиб кетган. 2025 йил 1 май ҳолатига кўра, 678 ўринга мўлжалланган қамоқхонада қарийб 1200 нафар маҳбус сақланмоқда. Шу сабабли қамоқхона шароитлари юзасидан хавотирлар ортиб бормоқда.