Хитой армияси жанговор тайёргарликда робот ва дронлардан фойдаланмоқда
Машқлар душман позицияларига ҳужум, разведка ва мудофаа чизиғини ёриб ўтишга йўналтирилган.
Хитой Қуролли Кучлари жанговор тайёргарлик машқларида сунъий интеллект асосидаги технологиялардан фаол фойдаланишни бошлади. 13 июль куни ўтказилган машғулотларда армиянинг икки дивизияси “шартли душман” позицияларига ҳужум ҳаракатларини амалга оширди.
China News Service хабарига кўра, машқларда камикадзе дронлари ҳамда “жанговор монстр” деб ном олган ер усти робот тизимлари қўлланган. Ушбу техник воситалар разведка, ҳужум, мудофаа чизиғини ёриб ўтиш ва ёнғин ости ташкил этиш каби тактик элементларда иштирок этган.
Машғулотлар шахсий таркиб билан учувчисиз тизимларнинг ўзаро мувофиқлигини ошириш ҳамда замонавий уруш технологияларини татбиқ этишга қаратилган.
