АҚШ Исроилнинг Сурияга берган зарбаларидан хавотир билдирди

АҚШ Исроил томонидан Сурия ҳудудига уюштирилган сўнгги ҳарбий зарбалар ортидан жиддий хавотир билдирганини маълум қилди. Расмий Вашингтон барча томонлар билан дипломатик алоқа ўрнатганини ва можаронинг янада чуқурлашишига йўл қўймаслик учун фаол чоралар кўраётганини билдирди.

 

АҚШ Давлат котиби ўринбосари Марко Рубио матбуот анжуманида шундай деди:

 

“Биз Исроилнинг Суриядаги ҳарбий объектларга берган зарбалари ортидан юзага келган вазиятдан жиддий хавотирдамиз. Қўшма Штатлар ҳозирда барча манфаатдор томонлар билан мулоқот олиб бормоқда ва ҳарбий ҳаракатларнинг олдини олиш, кескинликни юмшатиш бўйича чоралар кўрмоқда.”

 

Унга кўра, АҚШнинг асосий мақсади — минтақада кенг қамровли уруш бошланишининг олдини олиш, айниқса Эрон ва бошқа кучларнинг бевосита аралашуви хавфи ортиб бораётган бир пайтда зиддиятни бартараф этишдир.

 

Мазкур баёнот Исроил ҳарбий кучлари томонидан Дамашқда жойлашган Сурия армияси Бош штаби ва Президент саройига йўналтирилган кучли зарбалар ортидан эълон қилинди. Маълумотларга кўра, бу ҳужумлар натижасида бир неча ҳарбий иншоотлар жиддий шикастланган. Исроил томони ҳужумлар Суриянинг жанубида дрӯз гуруҳларига қарши ҳаракатларга жавобан амалга оширилганини билдирган.

 

Вашингтон расмийлари шунингдек, Ғазо секторидаги вазият ва Эрон билан боғлиқ минтақавий хавфсизлик муаммоларини ҳам диққат билан кузатаётганини билдирди. АҚШ Ташқи ишлар вазирлиги дипломатик каналлар орқали зиддиятни юмшатиш бўйича халқаро ҳамкорлар билан ишламоқда.