Ироқда уч кунлик мотам эълон қилинди
Кеча тунда йирик ёнғин сабаб 61 киши ҳалок бўлганди.
Бугун, 17 июль куни тунда Ироқ шарқида жойлашган Эл-Кут шаҳридаги савдо марказида йирик ёнғин юз берди. Бу ҳақида маҳаллий нашрлар хабар бермоқда.
Ироқ Ички ишлар вазирлиги маълумотларига кўра, камида 61 киши, жумладан, аёллар ва болалар ҳалок бўлган. Кўпчилик қаттиқ тутун туфайли ҳожатхонада бўғилиб қолган. 45 нафардан ортиқ одам қутқариб қолинган.
СНН томонидан эълон қилинган видеотасвирларда ёнғин бинонинг бир неча қаватини қамраб олгани, томда бир гуруҳ одамлар турганини кўриш мумкин.
Ресторан ва гипермаркет жойлашган мажмуа етти кун олдин очилган эди. Ҳозирда бино эгасига нисбатан жиноий иш очилган. Шаҳарда ҳалок бўлганлар хотираси учун уч кунлик мотам эълон қилинган.
