Европа Иттифоқи Туркия фуқаролари учун Шенген визаларини соддалаштирди
Янги тартибга кўра, визани олдин олган фуқаролар 6 ойдан 5 йилгача бўлган муддатли визаларни соддалаштирилган шаклда олиши мумкин.
Европа Иттифоқи Туркия фуқаролари учун Шенген визаларини олиш тартибида енгилликлар жорий этди. Бу ҳақда Анқарада Европа Иттифоқи элчиси Томаш Ханс Осовски маълум қилди, дея хабар бермоқда Туркия ОАВ.
Элчининг сўзларига кўра, илгари Шенген визасидан тўғри ва қонуний фойдаланган Туркия фуқаролари эндиликда иккинчи мурожаатларидан бошлаб 6 ойлик, кейинчалик эса 1, 3 ва 5 йиллик кўп марталик визаларни соддалаштирилган тартибда олишлари мумкин бўлади.
— Бу уларга визани олишни анча осонлаштиради ва тезлаштиради, — деди Осовски.
Дипломат, шунингдек, Европа Иттифоқини Туркия билан визасиз режимни жорий этиш бўйича музокараларни зудлик билан қайта тиклашга чақирди. Унинг таъкидлашича, Еврокомиссия 2025 йил ёзидан кейин расмий музокараларни давом эттиришга тайёр.
Мазкур енгилликлар Туркия ва Европа Иттифоқи ўртасидаги дипломатик алоқаларни янада мустаҳкамлашга хизмат қилиши кутилмоқда.
