Американинг круиз лайнерида 134 йўловчи номаълум вирусга чалинди
Компания соғлиқни сақлаш ва хавфсизлик борасида юқори даражадаги чора-тадбирларни амалга ошираётганини билдирган.
Американинг машҳур Рояль Сариббеан Навигатор оф тҳе Сеас круиз лайнерида 134 нафар йўловчи ва 11 нафар экипаж аъзоси номаълум вирусга чалинди. Кема 4 июль куни Лос-Анжелес портидан йўлга чиқиб, 8 июль куни Мексиканинг Пуэрто-Валярта шаҳрида тўхтаган ва уч кундан сўнг АҚШга қайтиб келган. Круизда жами беш мингдан ортиқ йўловчи бўлган. бу ҳақда Daily Express нашри хабар берган.
Касалланганлар орасида ўхшаш аломатлар кузатилган: қусиш, ич кетиши ва ошқозон спазмаси. Мутахассислар буни норовирус билан боғлашмоқда, аммо аниқ ташхис ҳали қўйилмаган. Рояль Сариббеан вакилларининг маълум қилишича, касалланган йўловчилар изоляция қилиниб, кема бортида санитария чоралар кучайтирилган.
Компания соғлиқни сақлаш ва хавфсизлик борасида юқори даражадаги чора-тадбирларни амалга ошираётганини билдирди. “Биз жамоат соғлиқни сақлаш идоралари тавсияларидан ҳам юқори бўлган санитария тартибларини жорий этганмиз”, дейди Рояль Сариббеан Гроуп вакиллари.
Сўнгги ойларда дунёда яна бир нечта вируслар тарқалмоқда. Июнь ойида эса Хитой ва Осиёнинг бошқа мамлакатларида СОВИД-19 нинг янги NB.1.8.1 варианти қайта авж олгани хабар қилинганди. Шу сабаб, ҳар қандай вирусли касалликлар атрофида эҳтиёткорлик янада кучаймоқда.
