Туркияда гиёҳвандликка қарши йирик рейд: деярли 2000 киши ҳибсга олинди
Операцияларда 6000 дан ортиқ ходим, 21 та самолёт ва 62 та хизмат ити иштирок этди.
Туркияда наркотик моддаларнинг ноқонуний савдосига қарши кураш доирасида кенг кўламли операция ўтказилди. Ички ишлар вазири Али Ерликая берган маълумотга кўра, 72 вилоятни қамраб олган рейдлар давомида жами 1933 шахс қўлга олинган.
Икки ҳафта давом этган махсус тадбирлар натижасида 927 килограмм гиёҳвандлик моддаси ва 1,29 миллион дона планшет кўринишидаги дори воситалари мусодара қилинди.
Мазкур операцияларда 6000 дан ортиқ ҳуқуқни муҳофаза қилувчи орган ходимлари, 21 та самолёт ва 62 та хизмат ити жалб этилгани қайд этилган.
