Ядро можароси кескинлашмоқда: Трамп Эронга қатъий огоҳлантириш берди
Трамп Эронда янги ядровий обьектлар қурилса, улар АҚШ томонидан йўқ қилинишини таъкидлади.
АҚШ президенти Дональд Трамп Эронга қаратилган кескин огоҳлантириш билан чиқди. У Truth Social ижтимоий тармоғида эълон қилган баёнотида Эрон, агар янги ядровий иншоотлар қуришга уринадиган бўлса, АҚШ уларни бутунлай йўқ қилишга тайёрлигини билдирган.
“Эрондаги учта ядровий обьект тўлиқ ёки қисман вайрон қилинган. Уларни ишга тушириш учун йиллар керак бўлади. Агар улар буни яна бошламоқчи бўлса, бу иншоотлар яна йўқ қилинишида олдин ҳаракат қилмаслиги лозим”, – дея ёзди Трамп.
Унинг сўзларига кўра, бу огоҳлантириш Эронни ядровий фаолиятини тиклашдан тийишга қаратилган. Трамп баёнотида аниқлик киритмаган бўлса-да, АҚШнинг ядро иншоотларига қарши эҳтимолий ҳарбий зарбалари ҳақида гап кетаяпганини англаш мумкин.
Сўнгги ойларда Эрон ядровий бойитиш даражасини оширяпганига оид хабарлар АҚШ ва халқаро ҳамжамиятда хавотир уйғотмоқда. Халқаро Атом Энергетикаси Агентлиги (IAEA) 2024–2025 йилларда Эрон уранни саноат даражасига яқин даражада бойитаяпгани ҳақида бир неча марта огоҳлантирган.
Эрон ҳукумати ядровий дастур фақат тинч мақсадларда олиб борилаётганини айтган бўлса-да, АҚШ, Исроил ва Ғарб давлатлари бундай даъволарга шубҳа билан қарашда давом этмоқда.
Бу таҳдидлар Эрон ва АҚШ ўртасида ядро келишувини қайта тиклаш бўйича ҳаракатларга салбий таъсир кўрсатиши мумкин.
