Бангладешда ҳарбий самолёт университет ҳудудига қулаб тушди
Дакка шаҳрида юз берган воқеада камида икки киши жароҳат олган.
Бангладеш Ҳарбий ҳаво кучларига тегишли кичик самолёт пойтахт Дакка шаҳридаги Бангладеш Университети ҳудудига қулаб тушди. Бу ҳақда Times of India хабар бермоқда.
Гувоҳларнинг айтишича, самолёт фавқулодда ҳолат сабабли пастга тушган ва университет майдонида ерга қулаган.
Расмийларга кўра, камида икки киши жароҳат олган. Учувчи омон қолган ва ҳозирда шифохонада. Ҳодиса сабабли университетда хавфсизлик чоралари кучайтирилган.
Вазият бўйича суриштирув ишлари бошланган. Мазкур ҳолат Бангладешда сўнгги йилларда қайд этилган илк ҳарбий авиация ҳалокатларидан бири бўлди.
