Хитой олимлари саратонга қарши янги даволаш усулини яратишди
Бу хавфсиз ва арзон усул нафақат саратон, балки астма ва иммун тизими касалликларида ҳам фойдали бўлиши мумкин.
Хитойлик олимлар саратонга қарши янги вирусли терапияни муваффақиятли синовдан ўтказишди.
Мазкур инновацион усул саратон ҳужайраларини аниқ нишонга олиб, уларни йўқ қилади ва соғлом ҳужайраларга зарар етказмайди. Тўртта беморда ўтказилган дастлабки синовлар ижобий натижа кўрсатди.
Биотехнологик ёндашув ҳозирги даволаш стандартларига нисбатан 4 баравар арзон ва хавфсизроқ бўлиб, бир курси тахминан 130 минг долларга тушади. Бу эса саратон билан курашаётган беморлар учун сезиларли енгиллик яратиши мумкин.
Янги терапия фақат саратонга эмас, балки астма ва иммун тизими билан боғлиқ касалликларда ҳам қўлланилиши мумкин. Тадқиқотчилар бу усул яллиғланишни камайтириш ва иммун тизимидаги мувозанатни тиклашга хизмат қилишини таъкидлашмоқда.
