Буюк Британиядаги оилаларга нотўғри жасадлар юборилди — Air India фожиаси ортидан можаро
Air India 171 ҳалокати ортидан дафн маросимларида хатолик аниқланди — оила аъзоларига бегона жасадлар юборилган. Тергов давом этмоқда, авиакомпанияга қарши эътироз кучаймоқда.
2025 йил июль ойи бошида юз берган Air India 171 рейси ҳалокати ортидан аниқланган янги тафсилотлар халқаро жамоатчиликда жиддий норозилик ва ташвиш уйғотмоқда. Ҳалокат натижасида самолётда бўлган йўловчиларнинг барчаси ҳалок бўлган, уларнинг аксарияти Ҳиндистон ва Буюк Британия фуқаролари экани маълум қилинган эди.
Буюк Британияда истиқомат қилувчи қурбонлар оилалари томонидан берилган маълумотларга кўра, баъзи жасадлар нотўғри аниқланиб, хатолик билан бошқа оила аъзоларига юборилган.
Аниқланган ҳолатларга кўра, британиялик Митен Пател исмли фуқаро онасининг жасади деб юборилган қабут ичида бошқа одамларнинг жасад қолдиқлари чиққанини билдирди. Унга кўра, тўбут ичида камида уч кишига тегишли бўлган суяклар аниқланган.
Яна бир оилага эса дафн учун бегона шахс жасади юборилгани аниқланиб, маросим тўхтатилган. Бу каби ҳолатлар фақат ДНК таҳлиллари орқали маълум бўлган.
Ҳиндистон Ташқи ишлар вазирлиги матбуот хизмати билдиришича, жасадлар халқаро протоколларга қатъий риоя қилган ҳолда, “энг юқори профессионаллик” билан юборилган. Бироқ, Буюк Британия томонида бу бўйича мустақил суриштирув ишлари олиб борилмоқда.
Ҳодиса юзасидан Ҳиндистон ва Британия расмийлари ўртасида музокаралар бошланган.
Air India компаниясидан ҳалокат ва жасадлар билан боғлиқ эътиборсизлик учун жамоатчилик раддиясини кутмоқда.
Air India 171 рейси июль ойида техник носозлик сабабли қулаб тушган. Ҳалокатда барча йўловчилар ва экипаж аъзолари ҳалок бўлган. Ҳозирда махсус комиссия томонидан ҳалокат сабаблари ва аниқликлар юзасидан тергов ишлари давом этмоқда.
