Ҳиндистонда ака-укалар бир аёлга уйланди
Ушбу ҳолат полиандрия одати деб номланади ва бу Ҳимачал-Прадеш штатида қонуний ҳисобланади.
Ҳиндистоннинг Ҳимачал-Прадеш штатига қарашли Шиллай қишлоғида ака-укалар бир аёлга уйланишди. Ҳатти халқига мансуб Прадийп ва Капил Неги исмли эркаклар уч кун давом этган маросимда Сунита Чаухан исмли аёл билан никоҳдан ўтди.
"Economic Times" нашрининг ёзишича, бу ҳолат Ҳиндистондаги ноёб анъаналардан бири — полиандрия, яъни бир аёлнинг бир вақтнинг ўзида бир нечта ака-укака турмушга чиқиши билан боғлиқ. Ушбу анъана Ҳимачал-Прадеш штатидаги баъзи жамоаларда ҳанузгача мавжуд бўлиб, қонуний равишда тан олинган.
Маҳаллий аҳолига кўра, бундай никоҳ шакли қадимдан мавжуд бўлиб, у оилавий мол-мулкни бўлинмасдан сақлаш ва ижтимоий барқарорликни таъминлашга хизмат қилган.
