Теҳронда Эрон, Россия ва Хитой делегациялари учрашуви бўлиб ўтди
Мулоқотда Эроннинг ядровий дастури ва унга қарши жорий этилган санкцияларни бекор қилиш масаласи муҳокама қилинди.
Тасним агентлигининг хабар беришича, Теҳронда Эрон, Россия ва Хитой делегациялари ўртасида уч томонлама учрашув бўлиб ўтди. Мулоқотда асосий эътибор Эроннинг ядровий дастури ва унга қарши жорий этилган санкцияларни бекор қилиш масалаларига қаратилди.
Учрашув давомида томонлар ушбу йўналишда ҳукуматлараро ҳамкорликни кучайтириш ва ҳаракатларни мувофиқлаштириш бўйича доимий келишувларни давом эттиришга тайёр эканликларини билдирдилар. Расмийларга кўра, “келгуси ҳафталарда” турли даражадаги учрашувлар режалаштирилган.
Эрон Россия ва Хитой билан ядровий дастур юзасидан уч томонлама келишувларни давом эттиришга розилик билдирган. Бу учрашувлар Эроннинг халқаро санкциялар фонида ўз позициясини мустаҳкамлашга интилаётган бир пайтда ўтказилмоқда.
